გერმანიის კანცლერი თურქეთში დაკავებული რეპორტიორის დენიზ იუჟელის გათავისუფლებას ითხოვს. ანგელა მერკელის თქმით, ჟურნალისტი უდანაშაულოა, დამოუკიდებელი მედია კი ნებისმიერ ქვეყანაში უნდა არსებობდეს. გერმანიისა და თურქეთის მოქალაქე იუჟელი, რომელიც გერმანული გამოცემა „ველტისთვის“ მუშაობს, 27 თებერვალს დააკავეს. ბოლოს ჟურნალისტმა თურქეთის ენერგეტიკის მინისტრის ელექტრონული ფოსტის გატეხვის ფაქტი გააშუქა. იუჟელს თურქეთის ხელისუფლება არშემდგარ სამხედრო გადატრიალებასთან კავშირსა და ტერორიზმის პროპაგანდაში ადანაშაულებს.
