29 სექტემბრის ღამეს, კიევსა და უკრაინის რამდენიმე ოლქში ბალისტიკური რაკეტების საფრთხის გამო საჰაერო განგაში გამოცხადდა. უკრაინის დედაქალაქში აფეთქებების ხმა ისმოდა და ხანძრები გაჩნდა. ინფორმაციას უკრაინული მედია ავრცელებს.
კიევის საქალაქო სამხედრო ადმინისტრაციის ინფორმაციით, სოლომიანსკის რაიონში ნამსხვრევები ღია ტერიტორიაზე ჩამოვარდა.
წინასწარი ინფორმაციით, პეჩერის რაიონში არასაცხოვრებელ შენობაში ხანძარი გაჩნდა. გამთენიისას კიევის საქალაქო სამხედრო ადმინისტრაციაში განაცხადეს, რომ პეჩერის რაიონში სამსართულიანი არასაცხოვრებელი შენობა დაზიანდა.
გარდა ამისა, ჰოლოსიივის რაიონში ნამსხვრევების ჩამოვარდნის შედეგად ხუთსართულიანი საცხოვრებელი სახლის სახურავს ცეცხლი გაუჩნდა.
სოლომიანსკის რაიონში კი ნამსხვრევები კერძო საცხოვრებელი სახლის ტერიტორიაზე ჩაცვივდა.
ბოლო 24 საათაის განმავლობაში კიევში რუსეთის თავდასხმების შედეგად 26 ადამიანი დაშავდა, ორი კი დაიღუპა.
