ევროპარლამენტმა მარინ ლე პენს სადეპუტატო იმუნიტეტი მოუხსნა. ამის მიზეზი პოლიტიკოსის მიერ ტვიტერში 2015 წელს გამოქვეყნებული შემზარავი ფოტოები გახდა, რომელიც ისლამური სახელმწიფოს სისასტიკეს ასახავს. ამის გამო ლე პენის წინააღმდეგ საფრანგეთში გამოძიება დაიწყო, თუმცა აქამდე ეროვნული ფრონტის ლიდერსა და პრეზიდენტობის კანდიდატს ევროპარლამენტის სადეპუტატო იმუნიტეტი იცავდა. ფრანგული კანონმდებლობით, მსგავსი ფოტოების გასაჯაროვება 3 წლიან პატიმრობას ან 75 ათასი ევროს ოდენობით ჯარიმას ითვალისწინებს.
