ჩრდილოეთ ირლანდიაში ვადამდელი საპარლამენტო არჩევნები იმართება. ეროვნულ ასამბლეაში 90 მანდატის მოსაპოვებლად 228 კანდიდატი იბრძვის. მანდატების უმრავლესობას სავარაუდოდ პოლიტიკური გაერთიანება „შინ ფეინი“ მიიღებს. გამარჯვების რეალური შანსი აქვს დემოკრატიულ იუნიონისტურ პარტიასაც. წინასწარმა გამოკითხვებმა აჩვენა, რომ უმრავლესობის მოპოვებას პარლამენტში ვერცერთი პოლიტიკური პარტია ვერ შეძლებს.
