ფრაქცია "ქართული ოცნება" პრეზიდენტის ადმინისტრაციის წევრებს ე.წ. ფარულ მოსმენებთან დაკავშირებით, არ ხვდება. განცხადება ამის შესახებ პრეზიდენტის ადმინისტრაციის წევრებმა გააკეთეს, პარლამენტში ე.წ მოსმენებთან დაკავშირებით განხილვებს დაესწრებიან ანა დოლიძე, ლევან ბოძაშვილი და ფიქრია ჩიხრაძე. მათი თქმით, შემოთავაზებული პაკეტი გამოწვევებს ვერ პასუხობს.
,,ჩვენ გვქონდა სხადასხვა მიმართულებით, სხვადასხვა სფეროს წარმომადგენლებთან კონსულტაციები ამ საკითხზე და გადავწყვიტეთ, რომ პირველ მოსმენამდე, ვიდრე პლენარულ სხდომაზე დაიწყება საკითხის განხილვა, გაგვემართა კონსულტაციები ფრაქციებთან და მიგვეწოდებინა მათთვის შესაბამისი მოსაზრებები. ოპოზიციურ ფრაქციებთან შეთანხმება მიღწეულია და დანიშნულია ეს შეხვედრები. რაც შეეხება უმრავლესობის ფრაქციებს, სამწუხაროდ, გუშინ გვინ ღამით უარი თქვეს კონსულტაციებზე. მიზეზი არ ვიცი. არის ხოლმე პრეტენზია, თითქოს წინასწარ არ ვეუბნებით, რომ შენიშვნები გვაქვს. როდესაც ვიწყებთ წინასწარ ამ საუბარს, გვეუბნებიან, რომ თურმე არ არის საჭირო ეს კონსულტაციები და ინფორმაციის გაცვლა,“ - განაცხადა ფიქრია ჩიხრაძემ.
იქნება თუ არა პრეზიდენტის ვეტო თუ კანონი ძალაში ამ ფორმით შევა, ადმინისტრაციის წარმომადგენლები ამბობენ, რომ ამაზე საუბარი ჯერ ნაადრევია.
