პარლამენტის საგაზაფხულო სესია, რეგლამენტის თანახმად, თებერვლის პირველ სამშაბათს - 7 თებერვალს ბიუროს სხდომით გაიხსნება. საგაზაფხულო სესიის პირველი პლენარული სხდომა კი, სავარაუდოდ, 8 თებერვალს გაიმართება.
საგაზაფხულო სესიის პირველი სხდომის მთავარი თემა პრეზიდენტის ვეტო იქნება, რადგან რეგლამენტით, პრეზიდენტის მიერ მოტივირებული შენიშვნებით დაბრუნებულ კანონპროექტს პარლამენტი 15 დღის ვადაში იხილავს.
24 იანვარს საქართველოს პრეზიდენტმა, გიორგი მარგველაშვილმა, ვეტო დაადო “საერთო სასამართლოების შესახებ” მომზადებული საკანონმდებლო ცვლილებების პაკეტს, რომელიც პარლამენტმა 2016 წლის 29 დეკემბერს დაამტკიცა.
