,,ბავშვთა სამყაროში“ გამაგრებითი სამუშაოები ჩატარდება, რის შემდეგაც მოვაჭრეებს შენობაში შეუშვებენ, - ამის შესახებ ჟურნალისტებთან თბილისის ვიცე-მერმა ლაშა აბაშიძემ განაცხადა.
„გადავწყვიტეთ, რომ დაიწყოს დღეს უკვე შიდა გამაგრებითი სამუშაოები. შეიძლება მჭიდები დაყენდეს, რომ მოხდეს ყველაზე მაღალი რისკის მქონე არეალების, ასე ვთქვათ, გამარგება და ამის შემდეგ უკვე, სადაც იქნება შესაძლებელი რომ შევიდეს ეს ხალხი, იქ შევა. შეიძლება იყოს ისეთი არეალები, სადაც ფიზიკურად ვერ მოხერხდება გამაგრება და ამ შემთხვევაში ვერ მივიღებთ გადაწყვეტილებას, რომ ეს ადამიანები შევუშვათ,“ - განაცხადა თბილისის ვიცე-მერმა, ლაშა აბაშიძემ.
დაზარალებული მოვაჭრეები ,,ბავშვთა სამყაროს” მიმდებარე ტერიტორიას არ ტოვებენ და იმედოვნებენ, რომ საკუთარი საქონლის ნაწილის გადარჩენას მაინც შეძლებენ.
