ახალგაზრდა მამაკაცი, რომელიც ლუვრში სამხედრო მოსამსახურეს დაესხა თავს, ეგვიპტის მოქალაქეა. ამის შესახებ საფრანგეთის შინაგან საქმეთა სამინისტრო იტყობინება. გავრცელებული ინფორმაციით, ტერორისტი 29 წლისაა. ასევე ცნობილია, რომ ის საფრანგეთში ტურისტული ვიზით მოხვდა. მისი ვინაობა ჯერჯერობით არ სახელდება. თავდასხმა ლუვრის შესასვლელთან გუშინ განხორციელდა. დანით შეიარაღებულმა მამაკაცმა მუზეუმში შეჭრა სცადა, რაშიც ხელი სამხედრო მოსამსახურებ შეუშალა. ამის შემდეგ ტერორისტი თავს სამხედროს დაესხა, რომელმაც ის მძიმედ დაჭრა.
