საფრანგეთის პრემიერ-მინისტრმა პარიზში სამხედრო მოსამსახურეზე თავდასხმა ტერორისტული აქტად შეაფასა.
„სამხედრო, რომელიც მოვალეობას ასრულებდა, ტერორისტული თავდასხმის მცდელობის ობიექტი გახდა“, - განაცხადა ბერნარ კაზნიოვმა.
დანით შეიარაღებულ ახალგაზრდა მამაკაცს, რომელიც ჯერ ლუვრში შეჭრას შეეცადა, შემდეგ კი „ალაჰ აკბარის“ ყვირილით თავს სამხედრო პატრულს დაესხა, ხუთჯერ ესროლეს. თავდამსხმელი მძიმედაა დაჭრილი. ის საავადმყოფოში გადაიყვანეს. მსუბუქად დაშავდა პატრულის ერთი თანამშრომელიც. ახლომდებარე ტერიტორიიდან სასწრაფოდ განხორციელდა ადამიანების ევაკუაცია. დროებით დაიკეტა ლუვრის მუზეუმი. ამ დრომდე დაკეტილია პალე-როიალ ლუვრის მეტროსადგურიც.
