პარლამენტმა არსებითად უნდა განიხილოს პრეზიდენტის მოტივირებული შენიშვნები და კანონად აქციოს სასამართლო სისტემის რეფორმის ე.წ. მესამე ტალღის კანონპროექტი - განაცხადა "ახალგაზრდა იურისტთა ასოციაციის" თავმჯდომარე ანა ნაცვლიშვილმა. მისივე თქმით, პრეზიდენტის შენიშვნები და მათი ლოგიკა ეყრდნობა ვენეციის კომისიის მოსაზრებებს.
"როგორც ჩვენ გავეცანით, ამომავალი პრინციპი არის სასამართლოს და ინდივიდუალური მოსამართლეების გაძლიერება. ამიტომ, შეუძლებელია ამ მოსაზრებებს არ დაეთანხმო. ჩვენ ვფიქრობთ, რომ პარლამენტმა არსებითად უნდა განიხილოს ეს მოტივირებული შენიშვნები და მაქსიმალურად შემჭიდროებულ ვადებში, ამ შენიშვნების გათვალისწინებით, კანონად აქციოს სასამართლო სისტემის რეფორმის ე.წ. მესამე ტალღის კანონპროექტი", - განაცხადა ანა ნაცვლიშვილმა.
