პარლამენტის ჯანმრთელობისა და სოციალური დაცვის კომიტეტში აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ქეთევან ბაკარაძე სამინისტროს მიერ გაწეული საქმიანობის ანგარიშით წარსდგა.
ჯანდაცვის კომიტეტზე გადაწყდა, რომ უახლოეს მომავალში შეიქმნება სამუშაო ჯგუფი,რომელიც აფხაზეთში მცხოვრებ საქართველოს მოქალაქეებზე,მათი პრობლემების გადაჭრის კონკრეტულ გზებზე ისაუბრებენ.
"მინდა განსაკუთრებული მადლობა გადავუხადო საქართველოს პარლამენტის ჯანდაცვის კომიტეტის თავმჯდომარეს,ბატონ აკაკი ზოიძესა და მის გუნდს მხარდაჭერისა და მზაობისთვის, გადაიდგას ქმედითი ნაბიჯები მეტად მნიშვნელოვანი საკითხების გადასაჭრელად, როგორიცაა ოკუპირებულ ტერიტორიაზე მცხოვრები ჩვენი თანამემამულეებისთვის საშეღავათო სადაზღვევო პაკეტის შეთავაზება,რომ მათთვის ჯანდაცვის სერვისების მიღება ხელმისაწვდომი გახდეს როგორც გეოგრაფიული,ისე ფინანსური თვალსაზრისით...რომ მათი უმძიმესი და ხშირ შემთხვევაში გაუსაძლისი ყოფა იყოს მხარდაჭერილი,თუ დაფასებული სახელმწიფოს მხრიდან.თანამედროვეობის გმირები სიცოცხლის ფასად ინარჩუნებენ ქართულ სულს,ენას,გენს", - განაცხადა ქეთევან ბაკარაძემ მედიასთან საუბარში.