553 ხმით 66 -ის წინააღმდეგ საქართველოს ვიზალიბერალიზაციას ევროპარლამენტმა მხარი დაუჭირა. კერძოდ, საქართველოსთვის ვიზალიბერალიზაციის მინიჭებას ევროპარლამენტის ჯგუფებიდან მხარი არ დაუჭირა EFDD-მ (თავისუფლებისა და პირდაპირი დემოკრატიის ევროპა) - პოლიტიკური ჯგუფის 31-მა წევრმა.

წინააღმდეგი წავიდა ENF პოლიტიკური ჯგუფის (ერებისა და თავისუფლების ევროპა) 24 წევრიც. 

ასევე, ვიზალიბერალიზაციის მოწინააღმდეგეები იყვნენ: NI - 7 ხმა; ECR - 2 ხმა; PPE - 1 ხმა; GUE/NGL - 1 ხმა.

ევროპარლამენტში ჩატარებული კენჭისყრის შედეგების მიხედვით, საქართველოსთვის ვიზალიბერალიზაციის საკითხს მხარი ცხრა პოლიტიკური ჯგუფის დეპუტატებმა დაუჭირეს.

კერძოდ, საქართველოს ვიზალიბერალიზაციის ყველაზე მეტი მხარდამჭერი ევროპის სახალხო პარტიაში (PPE) აღმოჩნდა - 187 მხარდამჭერი.

სოციალ-დემოკრატებიდან (S&D) ვიზალიბერალიზაციის მომხრე 163 დეპუტატი იყო. 

ლიბერალების ალიანსიდან (ALDE) საქართველოს მხარდაჭერა 62-მა დეპუტატმა აღმოუჩინა.

ასევე, ვიზალიბერალიზაციის მხარდამჭერები იყვნენ: verts/ALE - 46 ხმა; 

GUE/NGL - 42 ხმა; ECR - 38 ხმა; ENF - 8 ხმა; NI - 4 ხმა; EFDD - 3 ხმა.