სრულიად საქართველოს პატრიარქი ილია მეორე სამკურნალოდ გერმანიაში გაემგზავრა. მისი პირადი ექიმის ცისანა შარტავას თქმით, პატრიარქს, შესაძლოა, ქირურგიული ჩარევა დასჭირდეს.
"3 დღის უკან იყო ეპიზოდი ხანმოკლე ტემპერატურული რეაქციის. მას თვითშეგრძნების მხრივ სხვა არაფერი ჰქონდა, მაგრამ ლაბორატორიული და ინსტრუმენტული გამოკვლევების საფუძველზე გამოიკვეთა, რომ ნაღვლის ბუშტში ანთებითი პროცესი გამწვავდა და მოსალოდნელია ამ ანთების შემდგომი გართულება. ამიტომ, სპეციალისტებმა მიზანშეწონილად ჩათვალეს, რომ საჭიროა გამოკვლევა, დაკვირება და სავარაუდო სამედიცინო ჩარევა, რომელიც შესაძლოა ქირურგიულიც იყოს (ამის შესახებ ჯერ წინასწარ ვერ გეტყვით), მოხდეს არა აქ, არამედ გერმანიაში, იმ კლინიკაში, სადაც მას ადრეც ელოდებოდნენ", - თქვა საპატრიარქოს ჯანმრთელობის დაცვის დეპარტამენტის თავმჯდომარის მოადგილემ ცისანა შარტავამ.