საქართველო სამაგალითო გახლავთ იმით, რომ ის ასრულებს საგზაო რუკის მოთხოვნებს, - ამის შესახებ ევროკომისარმა დიმიტრის ავრამოპულოსმა ევროპარლამენტის პლენარულ სესიაზე საქართველოს მოქალაქეებისთვის უვიზო მიმოსვლის რეჟიმთან დაკავშირებული საკითხის განხილვის დროს სიტყვით გამოსვლისას განაცხადა.
,,მე კმაყოფილი და მადლიერი ვარ, რომ საქართველოს მოქალაქეები, რომლებიც ფლობენ ბიომეტრიულ პასპორტებს, შეძლებენ ისარგებლონ ევროკავშირის შენგენის წევრ ქვეყნებში მოკლევადიანი უვიზო მიმოსვლის რეჟიმით. ეს გახლავთ ფრიად მნიშვნელოვანი მიღწევა და განვლილი იქნა ხანგრძლივი პროცესი“, - განაცხადა დიმიტრის ავრამოპულოსმა.
მისივე თქმით, საქართველომ მნიშვნელოვანი და აუცილებელი პროცესი მოახდინა. საქართველო ახორციელებს ყველა აუცილებელ რეფორმას, რათა დააკმაყოფილოს ყველა უმაღლესი კრიტერიუმი.
მისივე თქმით, როდესაც პირველად ესტუმრა საქართველოს, შთაბეჭდილების ქვეშ აღმოჩნდა, როდესაც ქვეყანაში იხილა ევროკავშირის უამრავი დროშა და „ეს მართლაც მისასალმებელი ფაქტი გახლავთ“.
„ევროკავშირის წევრ ქვეყნებს მართლაც დიდი მნიშვნელობა ენიჭება საქართველოს მოქალაქეების აზროვნებსა და გულში“, - განაცხადა დიმიტრის ავრამოპულოსმა.
