სპეციალისტების გაფრთხილების მუხედავად, ,,ბავშვთა სამყაროს“ მოვაჭრეები დაზიანებულ შენობაში შესვლას მოითხოვენ. სპეციალისტები კი ბავშთვა სამყაროს შენობის დემონატაჟისთვის ემზადებიან.
ექსპერტების დასკვნით კონსტრუქცია ავარიულია და ნებისმიერ დროს შეიძლება ჩამოიშალოს. დამწვარი შენობის მიმდებარედ შეკრებილი მოვაჭრეები დემონტაჟის დაწყებამდე შენობაში შეშვებას და საკუთარი ძვირფასეულობის გამოტანას ითხოვენ, რაც ინჟინრების აზრით სიცოცხლისთვის სახიფათოა.
”როგორც ოქროს საცავში მოხდა ხალხის შეყვანა, ჩვენც ასევე მოვითხოვთ შესვლას, ჩვენი ნივთების მოძებნას და გამოტანას. ამით ზარალი, რომელიც ძალიან დიდია, მცირედით მაინც შეგვიმცირდება. მოვითხოვთ, რომ შემოგყვნენ სამაშველო სამსახურის წარმომადგენლები, დაგვაფარონ ჩაფხუტები და მორიგეობით შევალთ. დემონტაჟის მერე კი იქ შესვლას არანაირი აზრი აღარ ექნება, რადგან ყველაფერი ჩაიმარხება და ნივთების მოძებნა შეულებელი გახდება”, - განაცხადა ერთ-ერთმა მოვაჭრე ნანა შევარდენიძემ.
ბავშვთა სამყაროს დორექტორი, გიორგი მაჭავარიანი კი ამბობს, რომ ისინი სამხარაულის სახელობის ექპერტიზის ეროვნული ბიუროს ოფიციალურ დასკვნას ელოდებიან.
„ჩვენ დღეს უკვე ხელში გვექნება ალბათ დემონტაჟის დასკვნა, სამხარაული და მერე უკვე კანონიდან გამომდინარე რაც არის, იმის მიხედვით მოვახდენთ დემონტაჟს,“ - აცხადებს გიორგი მაჭავარიანი.
