ბათუმში ისევ თოვს. დიდთოვლობის გამო საგანგებო რეჟიმში მუშაობას აგრძელებს მერიის ყველა შესაბამისი სამსახური. უწყვეტ რეჟიმში ხორციელდება გზების გაწმენდითი ღონისძიებები. სამუშაოებში ჩართულია როგორც სპეცტექნიკა, ასევე ადამიანური რესურსი. გაწმენდილია ქალაქის ყველა ცენტრალური ქუჩა. გზები იწმინდება გარეუბნებშიც, თუმცა, სპეცტეკნიკის შეყვანა ვერ ხერხდება იმ ქუჩებზე, სადაც სარეაბილიტაციო სამუშაოები მიმდინარეობს.
გრძელდება ხე-მცენარეების თოვლისგან გათავისუფლების ღონისძიებები.