უხვი ნალექის მოსვლასთან დაკავშირებით, გუშინ ღამით ბათუმის ბულვარში ხე-მცენარეებისა და მწვანე ნარგავების თოვლის საფარისაგან გაწმენდის სამუშაოები ისევ განახლდა. დაბერტყვით სამუშაოებში ადმინისტრაციის აგრონომიული და ტექნიკური სამსახურის თანამშრომლებთან ერთად, ბათუმის ბულვარის დირექტორი ეთერ მაჭუტაძე და ხელმძღვანელობაც ჩაერთო.
გაწმენდითი სამუშაოები ბათუმის ბულვარში მთელი ღამის განმავლობაში მიმდინარეობდა. ბათუმის ბულვარში დიდთოვლობის სალიკვიდაციო სამუშაოები უკვე მეოთხე დღეა ინტენსიურად მიმდინარეობს. თოვლის საფარისაგან ხე-მცენარეების გაწმენდითი სამუშაოების ძირითადი ნაწილი დასრულებულია. სხვადასხვა ლოკაციებზე სამუშაოები რამდენიმე მიმართულებით მიმდინარეობს: დაზიანებული ხის ტოტების დამუშავება-გატანა, სავალი ბილიკების თოვლისა და ყინულის ზედაპირისაგან გაწმენდა, დეკორატიული ნარგავებისა და საბაღე სკამების გასუფთავება. ტერიტორიაზე ასევე მობილიზებულია რამდენიმე ერთეული სპეცტექნიკა.
მიმდინარე სამუშაოებში ბათუმის ბულვარის ადმინისტრაციის, ტექნიკური და აგრონომიული სამსახურების 60-მდე თანამშრომელია მობილიზებული.