კამპანია „ეს შენ გეხებაში“ შემავალი არასამთავრობო ორგანიზაციები ფარულ მოსმენებთან დაკავშირებით მმართველი გუნდის მიერ შეთავაზებული განცხადების განხილვაში მონაწილეობას არ მიიღებენ, -
ამის შესახებ განცხადება ეკა გიგაურმა, ანა ნაცვლიშვილმა, გიორგი კლდიაშვილმა და მიხეილ ბენიძემ ერთობლივ პრესკონფერენციაზე განაცხადეს. მათი განცხადებით მმართველი გუნდის შეთავაზება შეუსაბამობაში მოდის საკონსტიტუციო სასამართლოს გადაწყვეტილებასთან.
„ახალი სააგენტოს სახით იქმნება არა სერვისის მიმწოდებელი ორგანო, არამედ დიდი ძალაუფლებითა და უფლებამოსილებით აღჭურვილი სამსახური, რომელიც ამავდროულად ექსკლუზიურად სარგებლობს რიგი უფლებამოსილებებით და მას კვლავაც დარჩება პირდაპირი წვდომა მოქალაქეთა პირად ინფორმაციაზე, რაც ცალსახაც ეწინააღმდეგება საკონსტიტუციო სასამართლოს გადაწყვეტილებასთან“, - მიიჩნევენ ორგანიზაციაში.
ფარული მოსმენების განსახორციელებლად ახალი დამოუკიდებელი უწყების შექმნა იგეგმება, რომელიც ანგარიშვალდებული იქნება პარლამენტისა და პრემიერ-მინისტრის წინაშე.
