,,ბავშვთა სამყაროში“ ცეცხლის ახალი კერები გაჩნდა, რასაც მოვაჭრეების პროტესტი მოჰყვა. ისინი სახანძრო სამსახურის დამატებითი ბრიგადების მისვლას მოითხოვენ.
იქედან გამომდინარე, რომ შენობის კონსტრუქცია სახიფათოდ არის დაზიანებული სამაშველო სამსახურის წარმომადგენლები შესვლას ვერ ახერხებენ და ცეცხლის ახალ კერებს გარე პერიმეტრიდან ებრძვიან.
ცოტა ხნის წინ შსს საგანგებო სიტუაციების მართვის სააგენტოს დირექტორმა განაცხადა, რომ 3-4 საათში შენობის კონსტრუქცია გაციებას დაიწყებს და სამუშაოებში ექსპერტები ჩაერთვებიან.
„ბავშვთა სამყაროს“ ტერიტორიაზე ხანძარი დაახლოებით, 03:00 საათზე გაჩნდა. დამწვარია დაახლოებით, 13 000 კვადრატული მეტრის ფართი.