შსს საგანგებო სიტუაციების მართვის სააგენტოს დირექტორის ზვიად ქაწაშვილის ინფორმაციით, სავაჭრო ცენტრ „ბავშვთა სამყაროს“ შენობაში არსებული ოქრო დაცულ მდგომარეობაშია. მისივე თქმით, სამუშაოებში ჩართული ექსპერტები რამდენიმე საათში დასკვნას დადებენ.
„ჩვენი ინფორმაციით, ოქრო არის დაცულ მდგომარეობაში, შინაგან საქმეთა სამინისტორს წარმომადგენლები პერიმეტრის მთლიანად დაასაცავად ყველაფერს აკეთებენ. მერიის სპეციალური სამსახური და ექსპერტები სამუშაოებში ჩართული არიან, რომლებიც რამდენიმე საათში შეისწავლიან მდგომარეობას და დასკვნას დადებენ. 3-4 საათში შენობის კონსტრუქცია გაციებას დაიწყებს და მოქმედებაში მოვა“,-განაცხადა ზვიად ქაწაშვილმა.
„ბავშვთა სამყაროს“ ტერიტორიაზე ხანძარი დაახლოებით, 03:00 საათზე გაჩნდა. დამწვარია დაახლოებით, 13 000 კვადრატული მეტრის ფართი.
