დღეს, დილიდან ბათუმის ბულვარში გაწმენდითი სამუშაოები ისევ განახლდა. ადმინისტრაციის აგრონომიული და ტექნიკური სამსახურის 60-კაციანი მობილური ჯგუფი ბულვარში სხვადასხვა ლოკაციებზე ხე-მცენარეების თოვლის საფარისაგან გათავისუფლების სამუშაოებს ახორციელებენ. პარალელურად ტერიტორიიდან დაზიანებული ხის ტოტების შეგროვება და გატანა მიმდინარეობს.
ბათუმის ბულვარში დაზიანება უმნიშვნელოა, ადგილი აქვს ძირითადად მრავალწლიანი ნარგავების ტოტების დაზიანებას. გაწმენდითი სამუშაოები თოვის ინტენსივობის შესაბამისად მთელი ღამის განმავლობაში გაგრძელდება.ბათუმის ბულვარის ადმინისტრაცია, უკვე მესამე დღეა საგანგებო რეჟიმში აგრძელებს მუშაობას.
