ყოფილი პრემიერ-მინისტრის ბიძინა ივანიშვილის სახლთან დღეს, კოსტიუმირებული აქცია-პერფომანსი გაიმართა. არასამთავრობო ორგანიზაცია დამოუკიდებელი კვლევითი ცენტრის წევრები აცხადებენ, რომ ივანიშვილი ხალხს მხოლოდ ,,ცირკს“ სთავაზობს.
„გვინდა რომ გავაგებინოთ საზოგადოებას, რომ ყველაფერი არის ცირკი რასაც ბიძინა ივანიშვილი გვთავაზობს. ეს არის ჩვეულებრივი თეატრი და ამ ერთ თეატრში მონაწილეობს მთელი ქვეყანა და დრო არის ივანიშვილმა პირადად აგოს პასუხი და პირადად აიღოს პასუხისმგებლობა იმ ყველაფერ მავნებლობაზე რაც დღეს ქვეყანაში ხდება,“- განაცხადა აქციის ერთ-ერთმა ორგანიზატორმა, გიგი კუბლაშვილმა.
აქციის მონაწილეებმა მოუწოდეს ბიძინა ივანიშვილს, ქვეყანაში განვითარებულ მოვლენებზე არსებულ ყველა კითხვას პასუხი გასცეს.
„გვაქვს პერფომანსი წარმოდგენილი თუ როგორ იმართება ბიძინა ივანიშვილის მიერ საქართველოს პარლამეტი, სქართველოს მთავრობა, მედია და სასამართლო, შესაბამისად ივანიშვილს მივმართავთ, რომ მისი მთავრობის მართვა უნდა დასრულდეს და ახალგაზრდების მიერ გამართული მეტად მნიშვნელოვანი აქცია კიდევ უფროო მასშტაბურ სახეს მიღებს,“-განაცხადა ბესო შენგელიამ.