ვაკის რაიონში შეშის დარიგება გრძელდება. დღეს შეშა წყნეთში მცხოვრებმა სოციალურად დაუცველმა ადამიანებმა, კერძოდ 20-ზე მეტმა ოჯახმა უკვე მიიღო. მერიის ინფორმაციით, პროცესში ვაკის რაიონის გამგებელი ნოდარ ტურძელაძე მონაწილეობდა. ადგილობრივი მოსახლეობის შეშით უზრუნველყოფა გაგრძელდება. ამ ეტაპზე წყნეთის მასშტაბით 200 კუბური მეტრი შეშა დარიგდება. საერთო ჯამში ვაკის რაიონში რეგისტრირებული სოციალურად დაუცველი ადამიანებისთვის ამ დროისთვის 500 კუბური მეტრი შეშაა გამოყოფილი, რაც 250 ოჯახზე გადანაწილდება.
