23 იანვარს 12:00 საათზე, შრომის ჯანმრთელობის და სოციალური დაცვის სამინისტროსთან საპროტესტო აქცია გაიმართება, რომელსაც არასამთავრობო ორგანიზაციების წარმომადგენლები და შეზღუდული შესაძლებლობის მქონე ბავშვების მშობლები დაესწრებიან.
არასამთავრობო სექტორისა და მშობლების პროტესტი გამოიწვია ფსიქიატრიული სერვისების დახურვამ, კერძოდ, მწვავე განყოფილებების, რომელიც განთავსებული იყო ზოგადი პროფილის საავადმყოფოებში.
აქციის ორგანიზატორია არასამთავრობო ორგანიზაცია საერთასორისო დემოკრატიული განვითარების ცენტრი. მათი განმარტებით, საქმიანობების შეჩერების, მიზეზად ჯანდაცვის სამინისტროს მხრიდან დაფინანსების შემცირება დასახელდა. „საინტერესოა რა პასუხი აქვთ ამაზე შესაბამის სახელმწიფო სამსახურებს?“, აცხადებენ აქციის ორგანიზატორები.
