როგორც მან აღნიშნა, ბიუჯეტის გაზრდისას საკითხები სოციალური მდგომარეობის ნაცვლად, გაკეთებულია სარეზერვო ფონდების გაზრდაზე. იგი იმ ფაქტს აპროტესტებს რომ 25-მილიონიანი სარეზერვო ფონდები 55 მილიონია გამხდარი.

"ამ 60 მილიონით ძალიან ბევრი სოციალური საკითხის მოგვარება იქნებოდა შესაძლებელი, მაგრამ მთავრობა, რატომღაც სოციალური პრობლემების მოგვარების ნაცვლად, გაურკვეველ საკითხებზე ფიქრობს. როგორც ჩანს, ქამრების შემოჭერის პოლიტიკა ქამრების მოშვებად არის გადაქცეული", - აცხადებს გიორგი ახვლედიანი და ითხოვს, რომ ის 215 მილიონი, რამდენითაც იზრდება მიმდინარე წლის ბიჯეტი, ძირითადად სოციალურ და ჯანდაცვის საკითხებზე უნდა იყოს გადანაწილებული და ასევე უნდა მიიმართებოდეს ქვეყანაში ეკონომიკის რეალური განვითარებისათვის.

"ეს სჭირდება ჩვენს მოსახლეობას და არა ის, რომ ციხეებში სათვალთვალო კამერები დამონტაჟდეს", - აცახდებს ახვლედიანი, თუმცა მან ამ მოთხოვნის საპასუხოდ დღეს საპარლამენტო უმრავლესობისგან მხოლოდ ის პასუხი მიიღო რომ ბიუჯეტში ცვლილებების შეტანის პროექტი დღევანდელ სესიაზე არ განიხილება.