შობის დღესასწაულთან დაკავშირებით ტრადიციული საშობაო ალილო გაიმართა. ბათუმში საშობაო მსვლელობის მონაწილეებს აჭარის მთავრობის თავმჯდომარე ზურაბ პატარაძე და მინისტრთა კაბინეტის წევრებიც შეუერთდნენ. ზურაბ პატარაძემ მოსახლეობას შობის ბრწყინვალე დღესასწაული მიულოცა.
"მინდა მივულოცო ეს დღე ყველას, ვუსურვებ ჩვენს მოსახლეობას მშვიდობას, ბედნიერებას, სიკეთეს. ღვთის მადლი არ მოკლებოდეს ჩვენს ქვეყანას. წარმატებული წელი ყოფილიყოს",- აღნიშნა აჭარის მთავრობის თავმჯდომარემ საშობაო მსვლელობისას.
საქართველოში ალილოს ტრადიცია V-VI საუკუნიდან იღებს სათავეს. მისი აღნიშვნა კი შობის დღესასწაულზე საქართველოს პატრიარქის ლოცვა-კურთხევით ბოლო რამდენიმე წელია აღდგა.