2017 წლის აჭარის ა.რ რესპუბლიკური ბიუჯეტი დამტკიცებულია. აჭარს ა.რ მთავარი ფინანსური დოკუმენტი უპრეცედენტოდ მაღალია და 315 მლნ ლარს შეადგენს. 2016 წელთან შედარებით ბიუჯეტი დახლოებით 121 733 000 ლარით,63 %-ით გაიზარდა.
აჭარის უმაღლეს საბჭოს 2017 წლის ბიუჯეტი აჭარის ფინანსთა და ეკონომიკის მინისტრმა რამაზ ბოლქვაძემ წარუდგინა. მინისტრმა 2017 წელს განსახორციელებელ პროექტებზე ისაუბრა. 5 საათიანი სხდომა საკანონმდებლო ორგანოში კითხვა-პასუხის ფორმატით წარიმართა. რამაზ ბოლქვაძემ დეპუტატების შეკითხვებს უპასუხა. 2017 წლის ფინანსურ დოკუმენტში გაზრდილია პროგრამების დაფინანსება:
• ჯანმრთელობის და სოციალური დაცვის პროგრამები 505 000 ლარით გაიზარდა.
• გზების რეაბილიტაციის პროგრამები 7 384 000 ლარით გაიზარდა
• ტურიზმის პროგრამები 1 618 300 ლარით გაიზარდა
• სოფელი მეურნეობის სამინისტროს პროგრამები 4 570 300 ლარით გაიზარდა
• განათლების კულტურისა და სპორტის პროგრამები 3 877 400ათასი ლარით გაიზარდა.
2017 წელს უპრეცედენტოდ მაღალია მუნიციპალიტეტების კაპიტალური ტრანსფერები,რაც 71 208 800 ლარს შეადგენს.
2017 წლის ბიუჯეტით მსხვილი კაპიტალური პროექტები განხორციელდება:
ბათუმის ესტაკადის მშენებლობისთვის 21 მლნ ლარია გათვალისწინებული.
შავი ზღვის სანაპირო ზოლში არსებული საკურორტო-სარეკრეაციო ადგილების ურბანული განვითარება 240 000 ლარით დაფინანსდება. პროგრამა ჩაქვი-ციხისძირისა და ბობოყვათის საკურორტო-სარეკრეაციო ადგილების განაშენიანების რეგულირების გეგმის შექმნას და ამ ტერიტორიების სამომავლო განვითარებას ითვალისწინებს.
აჭარის ტერიტორიაზე არსებული მთის კურორტების განვითარებისთვის 2017 წლის ბიუჯეტში 100 000 ლარი განისაზღვრა.
აჭარის მაღალმთიანი რეგიონის გაზიფიცირებისთვის 250 000 ლარი დაიხარჯება.
შპს "სტადიონის" ბიუჯეტი 38 მლნ ლარს შეადგენს, რაც ბათუმის საერთაშორისო საფეხბურთო სტადიონისა და ბათუმის რესპუბლიკური კლინიკური საავადმყოფოს მშენებლობას მოხმარდება.
