აისახება თუ არა თბოელექტროსადგურებისთვის გაზრდილი ტარიფი სამომხმარებლო ტარიფებზე, დღეს დეკემბერს გახდება ცნობილი.
საქართველოს ენერგეტიკისა და წყალმომარაგების მარეგულირებელი (სემეკ) ეროვნული კომისია საჯარო სხდომაზე "თელასისა" და "ენერგო-პრო ჯორჯიასთვის" ელექტროენერგიის განაწილების, გატარებისა და მოხმარების 2017 წლის ტარიფების დამტკიცების შესახებ იმსჯელებს.
თბოელექტროსადგურებისთვის ელექტროენერგიის წარმოების 2017 წლის ტარიფები გაიზარდა. შესაბამისი გადაწყვეტილება ენერგეტიკისა და წყალმომარაგების მარეგულირებელმა ეროვნულმა კომისიამ დღევანდელ სხდომაზე მიიღო.
სემეკ-ის გადაწყვეტილებით, "გარდაბნის თბოელექტროსადგურისთვის” დღგ-ს გარეშე 2016 წლის ელექტროენერგიის წარმოების ტარიფის ზედა ზღვარი იყო 1კვტ/სთ - 6.659 თეთრი, ხოლო 2017 წელს იქნება - 9.056 თეთრი.
შპს "ჯიფაუერისთვის”, დღგ-ს გარეშე, 2016 წლის ელექტროენერგიის წარმოების ტარიფის ზედა ზღვარი იყო 1 კვტ/სთ - 8.460 თეთრი, ხოლო 2017 წელს იქნება - 14.120 თეთრი.
შპს "მტკვარი ენერჯისთვის”, დღგ-ს გარეშე, 2016 წლის ელექტროენერგიის წარმოების ტარიფის ზედა ზღვარი იყო 1კვტ/სთ - 10.748 თეთრი, ხოლო 2017 წელს იქნება - 12.194 თეთრი.
შპს ,,საქართველოს საერთაშორისო ენერგეტიკული კორპორაციისთვის”, დღგ-ს გარეშე, 2016 წლის ელექტროენერგიის წარმოების ტარიფის ზედა ზღვარი იყო 1კვტ/სთ - 11.303 თეთრი, ხოლო 2017 წელს იქნება - 14.234 თეთრი.
