მართლმადიდებელი ეკლესია 17 დეკემბერს დიდმოწამე ბარბარეს ხსენების დღეს აღნიშნავს. დღესასწაულთან დაკავშირებით საქართველოში მოქმედ ყველა ტაძარში საზეიმო წირვა აღევლინება. დიდმოწამე ბარბარე ქრისტესთვის იმპერატორ მაქსიმიანეს დროს ეწამა. მორწმუნე ქრისტიანებმა წმინდა ბარბარეს ნეშტი პატივით დაკრძალეს. მე-6 საუკუნეში დიდმოწამის წმინდა ნაწილები კონსტანტინოპოლში გადააბრძანეს, საიდანაც მე-12 საუკუნეში კიევში იქნა გადასვენებული. ამჟამად წმინდა ბარბარე კიევის ლავრაშია დაკრძალული. წმინდა დიდმოწამე ბარბარე ბავშვების მფარველად ითვლება.
