14 დეკემბერს 15:00 საათზე, ქუთაისში, პარლამენტის შენობასთან ავტომოყვარულები, ავტომობილების იმპორტიორები, დილერები, არასამთავრობო სექტორის წარმომადგენლები და რიგითი მოქალაქები ფართომასშტაბიან საპროტესტო აქციას გეგმავენ.
ისინი ავტომობილებზე, საწვავსა და სხვა ნავთობპროდუქტებზე აქციზის გაძვირებას გაპროტესტებენ.
აქციის ორგანიზატორები აცხადებენ, რომ აღნიშნული საგადასახადო ცვლილებები, ქვეყანაში არსებული მძიმე სოციალური პირობების ფონზე, დამატებით პრობლემებს შეუქმნის საქართველოს მოსახლეობას, გაძვირდება საწვავი, საავტომობილო ზეთები, ავტომობილები, სატრანსპორტო მომსახურება და მგზავრობა, რაც გამოიწვევს ყველა სახეობის პროდუქტის გაძვირებას და ხელს შეუწყობს მოსახლეობის უფრო მეტად გაღარიბებას.