ოს სეპარატისტთა ლიდერის ე.წ. რწმუნებული პოსტკონფლიქტური დარეგულირების საკითხებში ბორის ჩოჩიევი ჟენევაში ეუთოს წარმომადგენლებთან გამართული წინასწარი კონსულტაციების შემდეგ საქართველოს ემუქრება და ეუთოს აკრიტიკებს.
"საქართველოს მინდვრების სარწყავი სისტემების სათაო ნაგებობები სამხრეთ ოსეთის ტერიტორიაზე იმყოფება. ამჟამად სარწყავი სეზონი ახლოვდება და საქართველო ეუთოს წარმომადგენლების მეშვეობით კვლავ აყენებს საკითხს საქართველოს მინდვრებისათვის სამხრეთ ოსეთის მოსაზღვრე რაიონებიდან წყლის მიწოდების შესახებ", _ აცხადებს ჩოჩიევი და დასძენს, "ოსური დელეგაცია კარგად ხედავს, რომ ეუთოს ქართული პომიდვრები უფრო აინტერესებს, ვიდრე ბავშვების ბედი, რომლებიც ახალგორის რაიონში ცხოვრობენ".
ჩოჩიევი ასევე აცხადებს, რომ ე.წ. სამხრეთ ოსეთს საქართველოსათვის წყლის მიწოდება არ შეუწყვეტია არც ერთი დღით.
