ილია მეორე რუსეთის პატრიარქს ცხინვალისა და ცხუმ-აფხაზეთის ეპარქიის პრობლემასთან დაკავშირებით მიმართავს. პატრიარქ კირილისთვის 70 წლის იუბილისადმი მიძღვნილ მისალოც წერილში ილია მეორე რუსეთ-საქართველოს ურთიერთობაზე საუბრობს. პარტიარქის განცხადებით, დაპირისპირება საშიშია და შეიძლება გლობალურ კონფლიქტში გადაიზარდოს. ილია მეორის თქმით, საქართველოს მართლმადიდებელი ეკლესია აფასებს რუსეთის ეკლესიის პოზიციას, რომელმაც არაერთხელ განაცხადა, რომ აღიარებს ამ რეგიონებში საქართველოს მართლმადიდებელი ეკლესიის იურისდიქციას. უწმინდესი მიიჩნევს, რომ რუსეთსა და საქართველოს შორის ურთიერთობის დარეგულირება ორივე ქვეყნისთვის ძალიან მნიშვნელოვანია. პატრიარქის აზრით, საქართველო უნდა იყოს აღმოსავლეთსა და დასავლეთს შორის მშვიდობიანი თანამშრომლობის ადგილი.