22 ნოემბერს, თბილისში, სასტუმროში ,,ვერე-პალას``-ში ( მისამართი: ქუჩიშვილის 24/8 ), 10:45 საათზე გაიმართება საქართველოს ადვოკატთა დამოუკიდებელი პროფკავშირის პრეზენტაცია.
საქართველოს ადვოკატთა დამოუკიდებელი პროფკავშირი დაფუძნდა 2016 წლის 31 ოქტომბერს, ადვოკატების ინიციატივით. ადვოკატთა პროფკავშირის დამფუძნებელმა კონფერენციამ, თავმჯდომარედ აირჩია უფლებადამცველი და ადვოკატთა ასოციაციის აღმასრულებელი საბჭოს წევრი, გიორგი თევზაძე.
საქართველოს ადვოკატთა დამოუკიდებელი პროფკავშირის დაარსების მიზანია, დაეხმაროს ადვოკატებს პროფესიული დამოუკიდებლობის განმტკიცებაში, უფლებებისა და თავისუფლებების დაცვაში. ადვოკატთა დამოუკიდებელი პროფკავშირი ასევე მონაწილეობას მიიღებს შესაბამისი საკანონმდებლო ბაზის მომზადებაში, ადვოკატთა პროფესიული ღირსებების ამაღლებაში. აღნიშნულ ღინისძიებას დაესწრებიან პროფკავშირის დამფუძნებლები, ადვოკატები, მედიის წარმომადგენლები და სხვა მოწვეული სტუმრები.