21 ნოემბერს ბათუმში გაიმართება ბათუმის სატრანსპორტო მოდელის და შინამეურნეობების ურბანული მობილობის კვლევის შედეგების ოფიციალური წარდგენა.
პროექტის „მწვანე ქალაქები: ინტეგრირებული მდგრადი სატრანსპორტო სისტემების განვითარება ქალაქ ბათუმისა და აჭარის რეგიონისათვის (ISTBAR)“ ფარგლებში, გერმანული სატრანსპორტო საკონსულტაციო კომპანიის A+S Consult-ის ექსპერტების და ადგილობრივი კონსულტანტების მიერ ოქტომბრის თვეში განხორციელდა ქალაქის მასშატბით 1,500 ოჯახის გამოკითხვა, მათი ურბანული მობილობის ქცევის შესწავლის მიზნით. აღნიშნული კვლევა და ბათუმის ურბანული ტრანსპორტის არსებული მდგომარეობის ანალიზი საფუძვლად დაედო ქალაქის სატრანსპორტო მოდელის შემუშავებას.
ღონისძიებას, რომელიც 21 ნოემბერს, 11:00 საათზე, სასტუმრო შერატონში გაიმართება აჭარის მთავრობის ხელმძღვანელი პირებიც დაესრებიან.
აღნიშნული ღონისძიების ორგანიზატორები გაეროს განვითარების პროგრამა (UNDP) საქართველოში, აჭარის ავტონომიური რესპუბლიკის მთავრობა და ქალაქ ბათუმის მერია არიან.
