2016 წლის III კვარტალში საქართველოში 80 ერთეული ცხოველთა და ფრინველთა სასაკლაო ფუნქციონირებდა, მათგან 17,5% მდებარეობს ქვემო ქართლში, 17,5% - იმერეთში, 15,0% - შიდა ქართლში, 15,0% - კახეთში, 11,3% - სამეგრელო-ზემო სვანეთში, ხოლო დანარჩენი 23,8% სხვა რეგიონებშია განთავსებული:
«საქსტატის“ მიერ ჩატარებული კვლევის მიხედვით, 2016 წლის III კვარტლის განმავლობაში სასაკლაოებში დაკლულია 77,1 ათასი სული პირუტყვი, მათ შორის 57,9% მსხვილფეხა, ხოლო 42,1% - წვრილფეხა (ცხვარი, თხა, ღორი და სხვა). გარდა ამისა, საანგარიშო პერიოდის განმავლობაში სასაკლაოებში დაკლული ფრინველის რაოდენობამ 2780,6 ათასი ერთეული შეადგინა.
სასაკლაოების მიერ 2016 წლის III კვარტლის განმავლობაში 9486,4 ტონა ხორცი იქნა წარმოებული (იგულისხმება დაკლული წონა, ფრინველის ხორცის ჩათვლით), საიდანაც 39,9% მოდის მსხვილფეხა რქოსანი პირუტყვის ხორცზე, 41,9% - ფრინველის, 17,2% - ღორის, 1,0% - ცხვრისა და თხის ხორცზე, ხოლო 0,01% - სხვაზე.
მომსახურება გაეწია 20,3 ათას პირს, საიდანაც 20,2% შინამეურნეობებს (ოჯახურ მეურნეობებს) წარმოადგენდნენ. სასაკლაოებში დასაქმებულთა საშუალოთვიურმა რაოდენობამ 797 კაცი შეადგინა.
ერთეული პირუტყვის დაკვლაზე მომსახურების საშუალო ფასი შეადგენს: მსხვილფეხა რქოსანი პირუტყვის დაკვლა - 24,1 ლარი, ცხვრის ან თხის დაკვლა - 9,8 ლარი, ხოლო ღორის დაკვლა - 23,4 ლარი.
