აჭარის ტურიზმის დეპარტამენტი სოფლის ტურიზმის ფესტივალზე „განდაგანა“ სტუმრებს მრავალფეროვან პროგრამას სთავაზობს. 28 ოქტომბერს, სპეციალური დეკორაციებით გაფორმებულ ევროპის მოედანზე წარმოდგენილი იქნება აჭარული სოფელი თავისი ტრადიციებითა და დამახასიათებელი კოლორიტულობით.
ფესტივალის ფარგლებში მოედანზე მოეწყობა სოფლად ტურიზმის, ეკოტურიზმისა და ღვინის ტურიზმის თემატური კუთხეები. ღია ცის ქვეშ ასევე წარმოდგენილი იქნება რეგიონის ყველა მუნიციპალიტეტი მხოლოდ მისთვის დამახასიათებელი სოფლის ნობათით, კერძებით, სუვენირებითა და რეწვის ნიმუშებით, რაც ფესტივალის სტუმრებს საშუალებას მისცემს აჭარულ სოფელში ქალაქიდან გაუსვლელად იმოგზაურონ.
14:00 საათი - სოფლის ტურიზმის ფესტივალის გახსნა ცეკვა განდაგანით
14:00 – 19:00 საათი - სოფლის პროდუქციის გამოფენა -გაყიდვა, ფოლკლორული ანსამბლების გამოსვლა, თემატური კონკურსები
14:30- 18:00 საათი - მაღალმთიან აჭარაში წარმოებული რძის პროდუქტებისა და კერძების დაგემოვნება ( კაიმაღი, ბორანო, სინორი, აჭარული მდნარი ყველი , ლუდის ყველი, ყურუთი და სხვა )
15:00-17:00 საათი - აჭარის საოჯახო ღვინის მარნების კუთხის გაცნობა, ღვინის დეგუსტაცია, ჭაჭის გამოხდის პროცესის ნახვა
16:00 -19:00 საათი - ადგილობრივი თამბაქოს დაჭრის და გოდრის დაწვნის პროცესის ჩვენება
16: 30 – 18:30 საათი - მასტერკლასი ქსოვაში, დართვასა და მატყლის ჩეჩვაში
16:00- 20:00 საათი - მაღალმთიან აჭარაში დამზადებული ტრადიციული ტკბილეულის პრეზენტაცია - დაგემოვნება
19:00 -21:00 საათი - ჯგუფი „ASEA SOOL’’
21:00 – 23:00 საათი - ჯგუფი „ეგარი’’
აჭარის ტურიზმის დეპარტამენტი სოფლის ტურიზმის ფესტივალს „განდაგანა“ ბათუმში მეორე წელია ატარებს. ფესტივალი აჭარული სოფლის პოპულარიზაციასა და სოფლად ტურიზმის სტიმულირებას უწყობს ხელს.
ღონისძიებები ევროპის მოედანზე 14:00 საათიდან დაიწყება. დასწრება თავისუფალია. დამატებითი ინფორმაციისათვის, დარეკეთ ტურიზმის საინფორმაციო ცენტრის ცხელ ხაზზე: 577 90 90 93
