არჩევნების მეორე ტურის წინ ოპოზიცია კვლავ საკონსტიტუციო უმრავლესობის საფრთხეებზე საუბრობს. ნაციონალური მოძრაობა იმედოვნებს, რომ ამომრჩეველთა აქტიურობისა და მათი არჩევანის შედეგად, მმართველი გუნდი ვერ მოიპოვებს საკონსტიტუციო უმრავლესობას.
ქართულ ოცნებაში კი აცხადებენ, რომ საკონსტიტუციო უმრავლესობის მოპოვება მეორე ტურში არ გაუჭირდებათ.
“მეორე ტური განაპირობა არა იმან, რომ ჩვენ არ გვქონდა მხარდაჭერა, არამედ იმან, რომ ჩვენ თავად მივიღეთ გადაწყვეტილება და 50%-იანი ბარიერი შემოვიტანეთ, რითიც სწორედ გრძელვადიანი დემოკრატიული პროცესისთვის გადავდგით ნაბიჯები. მე დარწმუნებული ვარ, რომ ჩვენი მოსახლეობა დაუჭერს მხარს რომ ქართულ ოცნებას ჰქონდეს ეს უმრავლესობა, იმისთვის, რომ გადაწყვეტილებების მიღება შესაძლებელი იყოს იმ გუნდის მიერ, რომელსაც უმრავლესობის მანდატი მისცა ამომრჩეველმა,“-განაცხადა ეკა ბესელიამ.
