სოფლის მეურნეობის სამინისტროს სურსათის ეროვნულ სააგენტოში დასავლეთ საქართველოში გავრცელებული მავნებლის «კუსებრი ფაროსანას» წინააღმდეგ ბრძოლის სამოქმედო გეგმა მუშავდება. აღნიშნული მავნებელი დასავლეთ საქართველოში სულ უკანასკნელ პერიოდში მასშტაბურად გავრცელდა. კუსებრი ფაროსანა სასოფლო-სამეურნეო კულტურებს აზიანებს და გავრცელებულია როგორც მეზობელ ქვეყნებში, ასევე, ევროპის რამდენიმე ქვეყანასა და აშშ-ში. სურსათის ეროვნულ სააგენტოში მავნებლის წინააღმდეგ კომლექსური ღონისძიებების შემუშავებაზე, მოკლე და გრძელვადიანი სამოქმედო გეგმის დეტალებზე უცხოელ და ქართველი მეცნიერებთან, ასევე, დარგის სპეციალისტებთან და ბიზნესსექტორის წარმომადგენლებთან ერთად იმსჯელეს. შექმნილია სპეციალური საუშაო ჯგუფი.მავნებლის წინააღმდეგ ღონისძიებებს გაატარება დაიწყება.
სურსათის ეროვნულ სააგენტოში გამართულ შეხვედრას მცენარეთა დაცვის სპეციალისტებთან ერთად აშშ საერთაშორისო განვითარების სააგეტოს (USAID) საქართველოს თხილის სექტორის განვითარების პროექტის (G-HIP) ხელმძღვანელი, საქართველოს თხილის მწარმოებელთა ასოციაციისა და კომპანია “ფერერო“-ს წარმომადგენლები ესწრებოდნენ.