თბილისში პირველი კერძო მაღალტექნოლოგური ცენტრი „სილიკონ ველი თბილისი“ 16 სექტემბერს გაიხსნება. როგორც “სილიკონ ველი თბილისის“ პროექტის ხელმძრვანელი მიხეილ ბატიაშვილი განმარტავს, ცენტრს 60-ზე მეტ წამყვან კომპანიასთან საქართველოსა თუ უცხოეთში უკვე გაფორმებული აქვს თანამშრომლობის კომუნიკე..
„სილიკონ ველი თბილისი“ ერთ სივრცეში აერთიანებს ბიზნეს და ტექნოლოგიების უნივერსიტეტს, სკოლას, IT აკადემიას, ბიზნეს აქსელატორს, გადამზადების ცენტრს, ვირტუალური რეალობის ლაბორატორიას, ტექნოლოგიური პროდუქტების განვითარების ცენტრს, დასაქმების პლატფორმას, კვლევით ცენტრს, მედია ველს, ტექნოლოგიების საკვირაო სკოლასა და სპორტულ ინფრასტრუქტურას.
„სილიკონ ველი თბილისი“ ბაგებში, ჭავჭავაძის გამზირზე ნომერ 82-ში მდებარეობს. და რაც მთავარია „სილიკონ ველი თბილისი“ სუფთა, გამწვანებულ და რეკრეაციულ ადგილზეა განთავსებული.
„სილიკონ ველი თბილისის“ პროექტი მოიცავს მრავალ მიმართულებას. პროექტის უნიკალურობა მდგომარეობს იმაში, რომ გარდა განათლების მიღებისა სტუდენტებს შეეძლებათ მიიღონ პრაქტიკული გამოცდილება და ადგილზევე დასაქმდნენ. დასაქმებაში იგულისხმება, როგორც საქართველოში არსებული ყველა წარმატებული კომპანია, ასევე იგულისხმება დასაქმება საქართველოდან უცხოეთში. უკვე წვდომა გვაქვს გლობალურ სამუშაო ადგილებზე საქართველოდან დასაქმების შესაძლებლობაში, სადაც ყოველდღიურად მსოფლიოს სხვადასხვა ქვეყნის მეგა კომპანიები 10 მლნ სამუშაო ადგილზე საკუთარ მოთხოვნებს აფიქსირებენ. სწორი გადამზადების შემთხვევაში შესაძლებელია გავაჩინოთ სრულიად ახალი სამუშაო ადგილები. ანუ კადრები, რომლებიც არიან საქართველოში, მაგრამ მუშაობენ უცხოეთში და იღებენ საკმაოდ მაღალ ანაზღაურებას.
პროექტის პირველი ფაზა უკვე დასრულებულია და განათლების კლასტერი ფუნქციონირებს რამდენიმე დღეში დაიწყებს. ასევე, მეორე ფაზის განზორციელებას მალევე დავიწყებთ, რომელიც გულისხმობს საერთო საცხოვრებლების მშენებლობას, რომელიც პროექტს უფრო მაღალ საფეხურზე გადაიყვანს, რადგანაც ის ხელმისაწვდომი იყოს არამხოლოდ საქართველოსთვის ასევე, რეგიონის სხვა ქვეყნებისთვისაც“, - განაცხადა მიხეილ ბატიაშვილმა.
„სილიკონ ველი თბილისში“ მომავალ ქართველ დეველოპერებს, პროგრამულ ინჟინრებს და მეწარმეებს საკუთარი ბიზნეს იდეების მეტად და სრულყოფილად განვითარება, ტექნოლოგიური უნარების გაღრმავება და შესაძლებლობების გაფართოება შეეძლებათ. პროექტის ფარგლებში ასევე განთავსდება წამყვანი ტექნოლოგიური კომპანიებისა და ბრენდების ოფისები, სტუდენტური კამპუსები, საზაფხულო სკოლა ბავშვებისთვის თავისი სპორტული მოედნებითა და საცურაო აუზებით. პროექტი მოიცავს ყველა იმ ეტაპს, რომელიც საჭიროა იმისთვის, რათა საქართველომ თანდათანობით დაიმკვიდროს ადგილი, როგორც ტექნოლოგიების ექსპორტიორმა ქვეყანამ.
მაღალტექნოლოგიურ სპეციალისტებსა და პროგრამულ ინჟინრებს მოამზადებს „სილიკონ ველი თბილისში“ მდებარე IT აკადემია, სადაც ქართველ სტუდენტებს გამოცდილებას ისრაელელი სპეციალისტები გაუზიარებენ, რადგან მაღალი ტექნოლოგიების სექტორში და სტარტაპების განვითარებაში სწორედ ისრაელია ერთ-ერთ წამყვანი ქვეყანა, რომელმაც ბოლო ათწლეულების განმავლობაში ამ მხრივ უდიდეს პროგრესს მიაღწია.
აკადემიაში ასევე იქნება გადამზადების ცენტრი, სადაც ბაზრის მოთხოვნის შესაბამისად, მოხდება კადრების მომზადება კომპანიებისთვის. სწავლის პირველ საფეხურზე ყოველდღიურად, 10 საათის განმავლობაში აკადემიის სტუდენტებისთვის განათლების მიღება და მათი დატრენინგება მოხდება. მეორე ეტაპზე ისინი განავითარებენ თავიანთ შესაძლებლობას, მესამე საფეხურზე კი საკუთარ ბიზნეს იდეების განხორციელებაზე იმუშავებენ.