რუსეთის პრეზიდენტის პრესსპიკერმა დმიტრი პესკოვმა განაცხადა, რომ გერმანული პარტია „ალტერნატივა გერმანიისთვის“ (AfD) რუსეთთან ურთიერთობის დამყარების მიზანშეწონილობაზე საუბრობს, რაც მოსკოვისთვის მისაღებია.
„როგორც გერმანიის პოლიტიკური ძალა, რომლის პოპულარობასაც სტაბილური ზრდის ტენდენცია აქვს და რომელიც ჩვენს ქვეყანასთან ურთიერთობების დამყარების მიზანშეწონილობაზე საუბრობს, ის ჩვენთვის, რა თქმა უნდა, მისაღებია. ბუნებრივია, ასეთი განცხადებები ჩვენთვის ბევრად უფრო სასურველია, ვიდრე, მაგალითად, მერცის განცხადებები, რომელიც, არსებითად, მხოლოდ რუსეთის ფედერაციის მიმართ კონფრონტაციული განცხადებებით გამოირჩეოდა“, - განაცხადა პესკოვმა ჟურნალისტებთან საუბრისას.
