ექს-პრემიერ ბიძინა ივანიშვილის განცხადებით, გიორგი მარგველაშვილს ყველაზე დიდ შეცდომად თვლის და ამისთვის საზოგადოებას ბოდიშს უხდის.
”მარგველაშვილს ყველაზე დიდ შეცდომად ვთვლი და მე ამისთვის ბოდიშიც მოვუხადე საზოგადოებას. არ მინახავს ჯერ ამ ასაკის კაცი დიამეტრალურად, თინეიჯერის დონეზე იცვლიდეს ხასიათს”, - განაცხადა ივანიშვილმა ჟურნალისტებთან შეხვედრისას.
მისი თქმით, პრეზიდენტი ხარჯავს დამატებით დაახლოებით 10 მილიონ ლარს მოსახლეობის ფულს.
,,როდესაც მარგველაშვილი გამოვიდა ოფისიდან და შევიდა სააკაშვილის სასახლეში, სანამ ტელევიზიით გამოვიდოდი, მანამდე მქონდა უსუფაშვილთან შეხვედრა და მას არგუმენტიც კი არ დარჩა, რომ კრიტიკის გარეშე არ შეიძლებოდა ამის ესე გაშვება, რადგან ეს კაცი უკანონოდ შევიდა ამ სასახლეში, იყენებს ექვსჯერ მეტ ტერიტორიას რაც ჭირდება და წელიწადში ხარჯავს დამატებით დაახლოებით 10 მილიონ ლარს მოსახლეობის ფულს. უსუფაშვილი გამოვიდა საჯაროდ და გააპრავა იმის გამო, რომ ის ეძებდა დამატებით რესურსს მარგველაშვილის სახით. როგორი რესურსი მიიღო კი ვნახეთ. ამით დათვური სამსახური გაუწვიეს მარგველაშვილსაც და თავისი თავი გაინულა როგორც პოლიტიკოსმა”, - აღნიშნა ივანიშვილმა.
