არმაზ ახვლედიანი პარტია „ქართულ ოცნება - დემოკრატიულ საქართველოს“ ტოვებს. მიზეზად ის 2012 წელს ნაკისრი მთავარი ვალდებულებების შეუსრულებლობას ასახელებს.
ახვლედიანის განცხადებით, პარტია პრაქტიკულად, ასცდა საზოგადოებრივ და სახელმწიფოებრივ დღის წესრიგს.
„პარტია „ქართულმა ოცნებამ“ ვერ მოახერხა, ერთი მხრივ, გათავისუფლება პოლიტიკოსებისგან, რომლებიც ხელს უშლიან პარტიის დემოკრატიულ რელსებზე დაყენებას, მეორეს მხრივ, ვერ გახსნა კარი იმათთვის, ვინც ამ პროცესს ხელს შეუწყობდა. ამით, პრაქტიკულად, ასცდა საზოგადოებრივ და სახელმწიფოებრივ დღის წესრიგს“, - განაცხადა ახვლედიანმა.
რაც შეეხება სამომავლო გეგმებს, იგი აცხადებს, რომ აქტიურად იქნება ჩართული საზოგადოებრივ-პოლიტიკურ პროცესებში.