ვეტერანების საქმეთა სახელმწიფო სამსახურის ყოფილი ხელმძღვანელი ირაკლი შიხიაშვილი ამერიკის შეერთებულ შტატებში პოლიტიკურ თავშესაფარს ითხოვს. ამის შესახებ ინფორმაციას ,,რუსთავი 2“ ავრცელებს.
გავრცელებული ინფორმაციით, მან თავშესაფრის თხოვნით ამერიკის შეერთებულ შტატებს უკვე მიმართა. ირაკლი შიხიაშვილი ქართული ოცნების ხელისუფლებაში მოსვლამდე ნაციონალური მოძრაობის წევრი იყო. 2012 წელს კი მან პარტია დატოვა.
მალევე ის ვეტერანების საქმეთა სახელმწიფო სამსახურის ხელმძღვანელად დაინიშნა.
შიხიაშვილმა თანამდებობა პრემიერმინისტრ გიორგი კვირიკაშვილთან შეხვედრის შემდეგ ერთი თვის წინ დატოვა.
