23 აპრილს, 17:00 საათზე, პოლიტიკური პლატფორმა ".ახალის" პირველ კონვენცია (სადამფუძნებლო შეკრება) გაიმართება.
როგორც პოლიტიკური პლათფორმის საორგანიზაციო ჯგუფმა ”ჯი-ეიჩ-ენს” აცნობა ”.ახალი” ახლებურად შემოდის ქართულ პოლიტიკაში და პარტიის თავმჯდომარეს პირდაპირი და ფარული კენჭისყრით აირჩევს. ასევე გაიმართება პარტიის წესდებისა და წესდებით გათვალისწინებული სტრუქტურების წევრთა არჩევნები.
საორგანიზაციო ჯგუფის განმარტებით, პოლიტიკური მოძრაობა ".ახალი” წარმოადგენს ერთობას, რომლის გარშემო გაერთიანებული საზოგადოებას აუცილებელ პირობად მიაჩნია ახალი პოლიტიკური სივრცის შექმნა და ამ პროცესში ახალგაზრდების მაქსიმალურად ჩართულობა, „.ახალის“ მისიაა არსებული პოლიტიკური სისტემის გაჯანსაღება.
„.ახალი“ წარმოადგენს დასავლური ტიპის პოლიტიკურ ორგანიზაციას, რომლის მიზანია ქვეყნის ევროპულ და ევროატლანტიკურ სტრუქტურებში საბოლოო ინტეგრაცია და მიისწრაფვის ისეთი საქართველოსკენ, რომელიც თავისუფლებისა და განათლების რეგიონალური ცენტრი იქნება”, - განმარტავენ საინიციატივი ჯგუფის წევრები.
მათივე განცხადებით, ეს არის ორგანიზაცია მათთვის, ვისაც სურს: პროგრესი, მოდერნიზაცია, ევროპეიზაცია, მუდმივი დინამიკა, სიახლეები.
სადამფუძნებლო კრება მუზეუმ "ქარვასლაში", სიონის ქ.8-ში გაიმართება.
