,, პარტიამ დაკვირვებით და გამჭრიახად უნდა შეარჩიოს სიტყვები და ფრაზები, თითოეული ადამიანისათვის ჩვენი მიზნებისა და ფასეულობების სწორად დასანახად“, - ამის შესახებ „რესპუბლიკური პარტიის“ კონფერენციის გახსნისა პარტიის ხელმძღვანელმა ხათუნა სამნიძემ განაცხადა.
მან ხაზი გაუსვა, რომ ,,რესპუბლიკურმა პარტიამ“ საპარლამენტო აჩევნებში დამოუკიდებლად მონაწილეობის გადაწყვეტილება მიიღო, რაც სერიოზული გამოწვევაა.
,,არჩევნები არა მარტო დღეს, არამედ ყოველთვის პარტიებისთვის სერიოზული გამოწვევაა. პარტიებმა უნდა გადადგან სწორი ნაბიჯები, - პარტიამ სწორად უნდა განსაზღვროს საკუთარი ამბიციები. პარტიამ დაკვირვებით და გამჭრიახად უნდა შეარჩიოს სიტყვები და ფრაზები, თითოეული ადამიანისათვის ჩვენი მიზნებისა და ფასეულობების სწორად დასანახად. პარტიამ უნდა მოძებნოს, იპოვოს და გააგრძელოს ძებნა ისეთი ადამიანებისა, რომელიც შესაძლოა საქართველოს ხედავდეს სწორედ ისეთს, როგორსაც ვხედავთ ჩვენ „რესპუბლიკურ პარტია“. პარტიამ ფრთხილად უნდა გაკვალოს გზები ამ ადამიანების გულებისკენ. ჩვენ უნდა გვჯეროდეს და დავაჯეროთ სხვებიც“, - მიმართა თანაპარტიელებს ხათუნა სამნიძემ.
„ექსპო ჯორჯიაში“ პარტიის პარტიული კონფერენცია „დემოკრატიული მოდერნიზაციისთვის“ მიმდინარეობს, რომლის მეორე ნაწილი მედიისთვის იმ მიზეზით დაიხურა, რომ განხილული იქნება საარჩევნო თემატიკა.
