დღეს გამოქვეყბებულ NDI-ის კვლევის პოლიტიკურ ნაწილს ექსპერტები გამოეხმაურნენ. დამოუკიდებელ ექსპერტთა კლუბის პრეზიდენტის სოსო ცისკარიშვილის თქმით, NDI-ის მონაცემები სანდო იქნება მოქალაქეთა ძალიან მცირე ნაწილისთვის. ცისკარიშვილი ამბობს, რომ კიდევ ერთხელ NDI-მ აუტკივარი თავი აიტკია.
"კიდევ ერთხელ NDI-მ აუტკივარი თავი აიტკია. გამოაქვეყნა მონაცემები, რომელიც სანდო იქნება ძალიან მცირე ნაწილისთვის. ფაქტია, რომ 30 პროცენტამდეა ორივე ლიდერი პოლიტიკური ძალის შესაძლებლობები. ოცნების რეიტინგის მკვეთრი კოლაფსი, ჩემი აზრით გამოწვეულია იმ გაუგებრობით, თუ რა ფუნქცია აკისრია დღეს ამ კოალიციის, ამავე სახელწოდების პარტიის შემქმნელს“, - განაცხადა ცისკარიშვილმა.
