თავისუფალი დემოკრატების წევრი, ზურაბ აბაშიძე, არჩევანის პირდაპირ ეთერში NDI-ის კვლევებზე საუბრობს. მისი თქმით, "მთავარი პრობლემა არის ის, რომ საზოგადოებაში დაისადგურა უიმედობამ".
“ამას განსაკუთრებული კვლევა არ სჭირდება, სახეზეა პრობლემები და მთავარი პრობლემა არის ის, რომ საზოგადოებაში დაისადგურა უიმედობამ. ჩვენ პირველ რიგში ამაზე ვიწყებთ საუბარს, რომ დავამარცხოთ ეს უიმედობა. ჩვენი მთავარი დევიზი არის ის, რომ რასაც დავპირდებით, იმას შევასრულებთ და ცრუ დაპირებები უნდა დასრულდეს. რაც შეეხება ხვალინდელ პარტიულ რეიტინგებს, მე მაქვს განცდა, რომ ჩვენი პარტიის რეიტინგი უნდა იყოს გაზრდილი,“ - განაცხადა აბაშიძემ.
