გიორგი კვირიკაშვილმა 8 ოქტომბერს არჩევნების ჩატარებაზე მიღებული გადაწყვეტილების მიზეზები განმარტა. საქართველოს პრემიერმინისტრმა მეორე ტურის შესახებ დღევანდელ მთავრობის სხდომაზე ისაუბრა.
გიორგი კვირიკაშვილმა აღნიშნა, რომ მაჟორიტარული არჩევნების შემთხვევაში, შესაძლოა მეორე ტური გაიმართოს.
"მაჟორიტარული არჩევნების შემთხვევაში, შესაძლოა მეორე ტურები გაიმართოს. იმ შემთხვევაში, თუ ჩვენ ამ თარიღს ოქტომბრის ბოლოს გადავწევდით, ერთი თვე ჭირდება მეორე ტურამდე მისვლას, შესაძლოა ეს იყოს მაღალმთიანი რეგიონების შემთხვევაში პრობლემა, საარჩევნო უბნებთან მისვლის კუთხით. ელემენტარული ტექნიკური არგუმენტების გამო ჩვენ მივიღეთ გადაწყვეტილება, რომ ეს 8 ოქტომბერი ყოფილიყო,"- განაცხადა გიორგი კვირიკაშვილმა.
