ვაშინგტონში ოფიციალურ ვიზიტად მყოფმა ნატოს გენერალურმა მდივანმა განაცხადა, რომ ცივი ომის დასრულების შემდეგ ნატო კოლექტიური თავდაცვის ყველაზე მასშტაბურ გაძლიერებას ახდენს და ამის ერთ-ერთი მიზეზი რუსეთის ქმედებებია.
იენს სტოლტენბერგის განაცხადებით, რუსეთი საერთაშორისო კანონმდებლობას არღვევს, პატივს არ სცემს დამოუკიდებელი სახელმწიფოების სუვერენიტეტს და ტერიტორიულ მთლიანობას.
"ჩვენ ვხედავთ, რომ რუსეთი მისი საზღვრების გარშემო ცდილობს გავლენის სფეროების ხელახლა მოპოვებას. ამიტომაც იქცევიან ასე საქართველოში, მოლდოვასა და უკრაინაში. ეს მიუღებელია, რადგან ისინი არღვევენ საერთაშორისო კანონმდებლობას, არ სცემენ პატივს დამოუკიდებელი სახელმწიფოების სუვერენიტეტს და ტერიტორიულ მთლიანობას ევროპაში. ამიტომაც არის მნიშვნელოვანი, რომ ვპასუხობთ კოლექტიური თავდაცვის ყველაზე მასშტაბური გაძლიერებით, ცივი ომის დასრულების შემდეგ. ამავე დროს, მე ყოველთვის ხაზგასმით აღვიშნავ, რომ ნატოს რუსეთთან კონფრონტაციას არ ეძებს, ჩვენ ავიცილებთ თავიდან ახალ ცივ ომს და ვისწრაფვით რუსეთთან კონსტრუქციული თანამშრომლობისკენ. თუმცა, ამასთანავე ჩვენ გვწამს, რომ ძლიერები უნდა ვიყოთ,"- განაცხადა სტოლტენბერგმა.
