პირადი ცხოვრების საიდუმლოების გასაჯაროებისა და ხელყოფისათვის სასჯელის გამკაცრების მიზნით მომზადებულ კანონპროექტს იურიდიულ საკითხთა კომიტეტში დღეს პირველი მოსმენით განიხილავენ.
სისხლის სამართლის კოდექსში შესატანი ცვლილებების ინიციატორი ადამიანის უფლებათა დაცვის კომიტეტია.
პირადი ცხოვრების საიდუმლოების ხელყოფა მძიმე კატეგორიის დანაშაულთა ნუსხას მიეკუთვნება და სასჯელის 10 წლამდე გამკაცრებას გულისხმობს. ოპოზიცია არ გამორიცხავს, რომ კანონპროექტს მხარი დაუჭიროს.
